伍仲衡再提签洪心怡过程 预咗唔签约冇乜曝光机会 明言曾担心TVB捧人方式

娱乐 967℃ 0
《中年好声音》评审伍仲衡近排签咗《校园好声音－唱响中国》比赛冠军洪心怡，有传TVB因为不满被伍仲衡截糊，立即将伍飞出《中年好声音》评审行列。伍仲衡事后曾解释同TVB喺签洪心怡之前有沟通，而且洪心怡亦表示自己推却TVB，TVB则发声明指「尊重每一位合作伙伴的职业决策」，又强调「在专业和成熟的框架下共同努力，加速推动香港乐坛的多元化发展」。伍仲衡再提签洪心怡过程 预咗唔签约冇乜曝光机会 明言曾担心TVB捧人方式伍仲衡最近接受TVB前高层陈志云嘅直播网上访问，仲带埋洪心怡见人。访问中，伍仲衡再次覆述事件，话当日为《校园好声音》做评判，俾评语已经话「签得呀呢个」，并且约对方试音同做直播，形容洪好似当年佢同王菀之一样咁合拍。伍仲衡再提签洪心怡过程 预咗唔签约冇乜曝光机会 明言曾担心TVB捧人方式伍仲衡太太Ida本身做艺人管理，于是伍俾TVB一个高层嘅电话由Ida接洽，商讨以共同管理形式合作培育洪心怡。伍仲衡认为TVB好多艺人本身都係其他公司艺人，一样可以拍剧，认为问题不大。Ida同TVB倾完之后，伍仲衡话双方结论係再倾，但对方已经冇feedback。洪心怡而洪心怡就同伍仲衡有联络，甚至告知伍TVB俾份约佢。伍仲衡直言当时个心沉一沉，而且对于洪可能签TVB觉得担心，「TVB有佢哋方针，点样捧一个人，我有担心」。后来伍仲衡知道洪心怡婉拒TVB，先至开始倾合约。Ida曾经提醒伍仲衡，签下洪心怡可能令TVB唔高兴，最坏情况係冇得再上《中年好声音》。不过伍认为「我本身主要嘅工作係做音乐，我上TVB综艺只係呢几年叫做行前咗少少。人哋问我职业係咩，我唔会讲我係一个演员……我係一个音乐人，我係做幕后作曲监製，呢个先係我first priority，如果你畀我拣，我都会拣签心怡。」陈志云问伍仲衡点同TVB修补关係，伍话同TVB冇嘢，陈就话「真係有条刺」，伍就反问「条刺喺我度？」。而心怡将会好大机会冇得现身TVB，伍仲衡就话「我谂佢自己唔签TVB，都应该喺TVB曝光嘅机会都冇乜」。按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可即时换领限量新人礼，立即下载！其他人也在看

上一篇

网上热话｜尖沙咀站港铁职员与白褛男「猫捉老鼠」 拔足狂奔似赛跑(有片)

下一篇

大埔单车手狂骂小巴司机 粗口横飞疑不满响咹嚷「熄匙报警」 最后「败走」竟举中指｜Yahoo

相关推荐